Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 385 Hüküm no: 684 Orijinal metin no: [64b-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan b. Nasûh evini bey‘ bi’l-vefâ yoluyla sattığı, borcun ödenmemesi durumunda evin kesin olarak satılmasına Ali Çelebi b. Mahmud’u vekil tayin ettiği Mütevellî-yi mezbûr el-Hâc Osman mahfil-i kazâda el-Hâc Ramazan b. Nasûh mahzarında ikrâr edip meblağ-ı mezbûr altı bin üç yüz akçenin yedi yüz akçesini alıp bâkī beş bin altı yüz akçesine Üsküdar’da Toygar mahallesinde mezbûr el-Hâc Ramazan’ın inde’l-ahâlî ma‘lûmetü’l-hudûd evini târih-i kitâbdan otuz sekiz güne dek bey‘-i vefâyla bana verip eğer günü tamâm olup meblağ-ı mezbûr beş bin altı yüz akçeyi edâ etmezse bey‘-i bât olup zikr olunan ev benim mebî‘-i müşterâm ola dedikde mezbûr el-Hâc Nasûh dahi mukırr-ı mezbûrun ikrâr-ı merkūmun bi’l-muvâcehe tasdîk eyledikde Ali Çelebi b. Mahmud mebî‘-i mezbûrun derkine ben kefîl oldum mezbûr el-Hâc Ramazan’ın emriyle deyip ve mezbûr el-Hâc Ramazan dahi eğer otuz sekiz güne dek edâ eylemezsem mezbûr Ali Çelebi benim devr-i vekîlim olsun deyip ol dahi tasdîk eyledi. Fî 22 Zilka‘de sene elf. Şuhûdü’l-hâl: El-Hâc Kasım b. Bayezid, Rıdvan Bey el-cündî, Yusuf Bey el-cündî, el-Hâc İlyas b. Abdullah, Hasan b. Abdullah