Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 385 Hüküm no: 685 Orijinal metin no: [65a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Öldürülen Hobyar b. Mehmed’i varisleri Hasan ve Hüseyin b. Mustafa’nın katillerle davaları olup, öldürüldüğü köyün halkıyla davaları olmadığı Mahrûse-i Üsküdar’a tâbi‘ Gekvize nâhiyesinde karye-i Göçbeyli’den Hasan ve Hüseyin b. Mustafa taraflarından husûs-ı âtîye Ömer b. Nasûh ve Bâli b. Yunus şehâdetleriyle vekâleti sâbite olan Hasan b. Resûl vekâleten ve Hamza b. Hızır asâleten mahfil-i kazâda karye-i mezbûreden İlyas Hoca b. Budak ve Mehmed b. Arslan ve Ahmed ve Kasım b. Musa ve Behrâm b. Mezid ve sâir ahâlî-i karye-i mezbûre mahzarlarında ikrâr ve takrîr-i merâm kılıp işbu mâh-ı Zilka‘de’nin yirmi ikinci günü karye-i mezbûre sınırında kendi mülk değirmeninde mecrûhan maktûl bulunan mûrisimiz Hobyar b. Mehmed’i katl eden âbık kullardır eğer Hak Te‘âlâ fırsat verip ahz ederseniz da‘vâmız onlar ile ederiz biz ahâlî-i karyeden husûs-ı mezbûra müte‘allik da‘vâmız ve nizâ‘ımız yokdur dediklerinde mukırrân-ı mezbûrânın vech-i meşrûh üzre vâki‘ olan ikrârını mukarrun lehümü’l-merkūmûn bi’l-muvâcehe tasdîk ve’l-müşâfehe tahkīk eylediği bi’t-taleb kayd olundu. Şuhûdü’l-hâl: Hüseyin b. Behrâm, Mehmed b. Behrâm, Gürkan b. Behrâm, Müstedâm Bey [b.] Abdullah ve gayruhüm Yevmü’s-sebt fî 22 Zilka‘deti’l-harâm li sene elf