Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 399 Hüküm no: 715 Orijinal metin no: [68a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yani v. Kin’in terekesini yava âmilinin teslim aldığı Mahrûse-i Üsküdar’da yava âmili Ömer b. Veli mahfil-i kazâda mahrûse-i mezbûre sâkinlerinden Andon ve İstemad v. Kin nâm zimmîler mahzarında ikrâr ve i‘tirâf edip karye-i Çengel’de Lamconi evinde mürd olan Yani v. Kin nâm zimmî bizim karındaşımızdır deyu cümle metrûkâtını zabt ve kabz eylemişler idi mürd-i mezbûrun hâlâ cümle metrûkâtını merkūmân zimmîler yedinden bi’t-tamâm alıp kabz edip husûs-ı mezbûra müte‘allik da‘vâdan Karnoman Andon ve İstemad’ın ve Ohaci Labirfi’nin zimmetlerini ibrâ’-i âmla ibrâ’ ve iskāt eyledim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehüma’l-merkūmân bi’l-muvâcehe tasdîk ve’l-müşâfehe tahkīk eyledikde mâ vaka‘a bi’t-taleb kayd olundu. Şuhûdü’l-hâl: Davud b. Abdi, Mustafa b. Mehmed, Yakub [b.] Bekir, Mehmed b. Behrâm, Pervâne b. Abdi, Rıdvan b. Abdi