Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 398 Hüküm no: 714 Orijinal metin no: [67b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer Bey b. Eymir’in, eşyalarını çaldığını iddia ettiği Fidan bt. Hızır ile anlaştığı Oldur ki Zu‘emâdan Cafer Bey b. Eymir nâm kimesne mahfil-i kazâda Fidan bt. Hızır nâm kimesne mahzarında ikrâr ve i‘tirâf edip ( ) bundan akdem evimden esbâbım sirkat olunup mezbûreden ve şerîklerinden mazanna eyleyip mâ-beynimizde nice münâza‘at-ı kesire ve muhâsemât-ı şedîde vâki‘ olmuşdur hâlâ müslimîn bizi ıslâh edip bedel-i sulh mezbûre Fidan için üç bin akçe verdiler ben dahi bedel-i sulh olan üç bin akçeyi mezbûre Fidan yedinden alıp kabz edip husûs-ı mezbûra müte‘allik da‘vâdan mezbûre Fidan’ın zimmetini ibrâ’ ve iskāt eyledim ba‘de’l-yevm husûs-ı mezbûra müte‘allik mezbûre Fidan için da‘vâ sâdıra olursa nâ mesmû‘ ola dedikde mukırr-ı mezbûrun ikrâr-ı meşrûhun mukarrun leha’l-merkūm bi’l-muvâcehe tasdîk eylediği kayd olundu. Şuhûdü’l-hâl: Fahrü’l-akrân Dergâh-ı âlî çavuşlarından Mahmud Çavuş b. Abdi, el-Hâc Hüseyin b. Mustafa, Mehmed b. Ahmed, Yakub b. el-Attârcı(?) ve gayruhüm mine’l-hâzırîn