Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 405 Hüküm no: 728 Orijinal metin no: [69b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Yorgi’nin, Mustafa b. Abdullah’a emânet bıraktığı çukanın zayi olduğu Yani v. Yorgi nâm zimmî mahfil-i kazâda hâs bahçelerden Üsküdar’da vâki‘ bahçeden Mustafa b. Abdullah nâm acemi oğlanı mahzarında takrîr-i da‘vâ kılıp mezbûr acemi oğlanı Mustafa’dan yüz on akçe alıp bir kırmızı zencefilî siyah ferâceyi [rehin] kodum idi şimdi çuka zâyi‘ deyu istediğimde vermeyip te‘allül eder dedikde gıbbe’s-suâl mezbûr Mustafa bi’l-muvâcehe cevâb verip zikr olunan rehin çuka evimden zâyi‘ oldu deyicek müdde‘î-i mezbûrdan te‘addîye beyyine suâl olundukda ikāmet-i beyyineden âciz olup mezbûre yemîn verilmesin ricâ eylemeğin te‘addî ve taksîrât etmediğine yemîn verildiği bi’t-taleb kayd olundu. Şuhûdü’l-hâl: es-Sâbikūn Yevmü’l-erbi‘â, yevmü’s-sâlis min şehri Zilhicceti’ş-şerîfe sene elf