Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 405 Hüküm no: 729 Orijinal metin no: [69b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadri b. Mehmed’in, evini Lalezar ve İskender b. Abdullah’a sattığı Mahrûse-i Üsküdar’da Kefçe mahallesi sâkinelerinden Kadri b. Mehmed nâm kimesne mahfil-i kazâda işbu hâmil-i kitâb Lalezâr ve İskender b. Abdullah mahzarlarında ikrâr ve takrîr-i merâm kılıp mahalle-i mezbûrede bir tarafı Murad Reis ve bir tarafı Neccâr Mehmed ve bir tarafı Mustafa Yeniçeri b. Yakub ve bir tarafı tarîk-i hâs ile mahdûd olup tahmînen iki evi ve fırını ve iki su kuyusunu ve bahçeyi ve zulleyi müştemil olan mülk menzilimi cümle tevâbi‘ ve levâhıkıyla mezbûrâna sekiz bin dört yüz nakd râyic fi’l-vakt akçeye bey‘-i bâtt-ı sahîh-i şer‘î birle bey‘ edip kabz-ı semen ve teslîm-i mebî‘ kıldım dedikde mukırr-ı mezbûrun vech-i meşrûh üzre vâki‘ olan ikrârını mukarrun lehüma’l-merkūmân bi’l-muvâcehe tasdîk ve’l-müşâfehe tahkīk ve kabûl eylediklerinden sonra bu hurûf ketb u tahrîr olunup yed-i tâlibe vaz‘ u def‘ olundu. Şuhûdü’l-hâl: Ramazan b. Cafer el-cündî, Sarı Müstecâb b. Mustafa, Hüseyin b. Behrâm, el-Hâc Hürrem el-cündî, Keyvan b. İskender, Yahya Bey b. Abdullah