Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 408 Hüküm no: 736 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gerede Mescidi Vakfı’na ait yanan dükkanın, tekrar inşâ eden Behrâm b. Abdullah’a kiraya verildiği Budur ki Mahrûse-i Üsküdar’da Gerede Mescidi evkāfına bi’l-fi‘l mütevellî olan Hasan b. Habîb mahfil-i kazâda bâ‘isü’l-hurûf Behrâm b. Abdullah mahzarında takrîr-i kelâm edip evkāf-ı mezbûreden Gülfem Köprüsü demekle ma‘rûf köprü kurbunda vâki‘ bir cânibi dere ve bir cânibi Hacı Mustafa vakf ettiği dükkân ile ve bir cânibi mezârlık ve bir tarafı tarîk-i âm ile mahdûd olan bir bâb dükkân yanıp tekrâr binâya vakfın müsâ‘adesi olmamağın mezbûr Behrâm zikr olunan dükkânı binâ edip sarf eylediği akçeden bin akçesi vakıf için icâre-i mü‘accele olmak üzre ayda kırk akçe icâreye verdim zikr olunan dükkânı binâ edip mâh be-mâh vakıf için ta‘yîn olunan kırk akçeyi edâ ettikden sonra tasarrufuna mâni‘ olmaya dedikde mukırr-ı mezbûrun vech-i meşrûh üzre vâki‘ olan ikrârını mezbûr Behrâm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Ali Halîfe b. Mahmud el-imâm, Ali b. Mustafa, Ahmed Halîfe b. Mustafa el-imâm, İsa Bâli [b.] Hasan ve gayruhüm