Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 410 Hüküm no: 740 Orijinal metin no: [70b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Dimitri’nin ve babasının, Pervâne Bey el-Cündî’ye olan borçlarına karşılık bir bağı rehin verdiği Budur ki Mahrûse-i Üsküdar’a tâbi‘ Kartal nâm karye sükkânından Yorgi v. Dimitri mahfil-i kazâda bâ‘isü’l-hurûf Pervâne Bey el-cündî mahzarında ikrâr ve takrîr-i kelâm edip bundan akdem babam Dimitri mezbûr Pervâne Bey’den sekiz bin yedi yüz akçe ve da‘vâları üzerinde kalıp ve on üç bin nakid akçe dahi kendim alıp hâlâ zikr olunan akçe mukābelesinde babamdan bana ve kardeşim Kostantin nâm zimmîye intikāl eden bağdan bana intikāl eden nısf hissemi mezbûr Pervâne Bey’e rehin verdim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Müstedâm Bey el-cündî, Hamza Subaşı an zümre-i yayabaşıyân-ı hâssa, Ferruh b. Abdullah, Haydar b. Abdullah ve gayruhüm