Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 409 Hüküm no: 739 Orijinal metin no: [70b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çelebi b. Mehmed Efendi’nin, ölen babasının Yuvan v. Varatzad’taki alacağını tahsil ettiği Budur ki Kangırı sancağından İbrahim Çelebi b. Mehmed Efendi eş-Şehîr Yahnici Efendi mahfil-i kazâda bâ‘isü’l-hurûf Yuvan v. Varatzad nâm zimmî mahzarında ikrâr ve takrîr-i kelâm edip bundan akdem babam Mehmed Efendi mezbûr zimmîye iki katırı altı bin altı yüz akçeye bey‘ edip vefât ettikde zimmetinde kalmışdır deyu taleb edip hâlâ meblağ-ı mezbûru merkūm zimmî yedinden bi’t-tamâm ve’l-kemâl alıp kabz eyledim zimmetinde bir akçe ve bir habbe hakkım kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk edip mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Yakub Efendi el-kadı, Muslihiddin Efendi el-kadı, Tayyib Efendi el-kadı, Mehmed b. Behrâm, Musa b. Hacı Reis ve gayruhüm