Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 413 Hüküm no: 746 Orijinal metin no: [71b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Ebu Sefer b. Ebu Nasr’ın anbarından, Ebu Dürce b. Hacı Aydın, Hüdaverdi b. Hacı Hamza, Mustafa b. Yunus ve Baytar Müdeylih’in arpa çaldığı Vech-i tahrîr-i sicil oldur ki Tilbaşer nâhiyesine tâbi‘ Rum Evlek Kebîr’den Hacı Ebû Sefer b. Ebû Nasr meclis-i şer‘a hâlâ livâ-i Maraş tîmar defterdârı olan kıdvetü’l-emâsil ve’l-emâcid Mehmed Bey -dâme izzuhû- hazretlerinin subaşısı olan Musli Ağa kazâ-i Tille karye-i mezbûrdan Ebû Dürce b. Hacı Aydın ve Hüdaverdi b. Hacı Hamza ve Mustafa b. Yunus ve Baytar Müdeylih ihzâr edip bi’l-muvâcehe takrîr-i kelâm edip işbu mezbûrlar gece içinde arpa anbarımı basıp altmış kile mikdâr arpa sirkat edip te‘addî eylemişlerdir suâl olunmasın taleb ederim dedikde mezbûrlardan bi’l-muvâcehe suâl olundukda ikrâr ve i‘tirâf edip Aslan b. Abdullah nâm kimesne ile ma‘an varıp gece içinde mezbûr Hacı Ebû Dürce’nin arpa anbarını basıp otuz kile mikdâr arpa ahz eyledik deyu ikrâr ve i‘tirâf eyledikleri vukû‘ı üzre kayd-ı sicil olunup yedine bu vesîka ketb olunup def‘ olundu ki lede’l-hâce ihticâc edine. Tahrîren fî evâsıtı Cemâziyelâhir sene elf. Şuhûdü’l-hâl: Mehmed b. Ahmed, Tararma v. Hasan, Hüsam v. Hasan, Hasan Çelebi b. Mehmed, Mustafa b. Memi ve gayruhüm El-emru kemâ zükire ve’ş-şe‘nü tastîr-i fakīri’l-hakīr Mehmed b. Hasan el-müvellâ bi nâhiyeti Tilbaşer ufiye anhümâ hilâfeten