Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 413 Hüküm no: 747 Orijinal metin no: [71b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüdaverdi b. Hacı Hamza’nın, Hüseyin b. Hasan Çavuş’u yaraladığı Sebeb-i tahrîr-i kitâb-ı ilm oldur ki Hâlâ livâ-i Maraş tîmar defterdârı olan kıdvetü’l-emâsil ve’l-emâcid Mehmed Bey -dâme izzuhû- hazretlerinin âdemleri olup erbâb-ı tîmardan Hüseyin b. Hasan Çavuş meclis-i şer‘a gelip mezbûr Mehmed Bey’in hâslarından Rum Evlek Kebîr nâm karyeden Hüdaverdi b. Hacı Hamza muvâcehesinde takrîr-i kelâm edip işbu Hüdaverdi sâhib-i sa‘âdetimiz Mehmed Bey hazretleri taleb edip alıp giderken mezbûr Hüdaverdi elimden gaybet edip kaçarken ardından yetip tutarken beni bilâ-sebeb muhkem taş ile darb edip hançerleyip te‘addî eylemişdir suâl olunmasın taleb ederim dedikde mezbûr Hüdaverdi’den bi’l-muvâcehe suâl olundukda elimden bir hatâdır çıktı mezbûr Hüseyin’in takrîrine muvâfık ikrâr ve i‘tirâf eylediği vukû‘ı üzre kayd-ı sicil olunup yedine bu vesîka ketb olunup def‘ olundu lede’l-hâce ihticâc edine. Tahrîren fî evâhiri Cemâziyelâhir sene elf. Şuhûdü’l-hâl: Hacı Osman [v.] Hacı Ahmed, Ahmed v. Osman, Ali v. Şaban, Cafer v. Eytamkulu ve gayruhüm