Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 414 Hüküm no: 748 Orijinal metin no: [71b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mustafa Bey b. Abdullah’ın terekesinin kızı Ayşe’ye verilmesi Budur ki Bundan akdem vefât eden Dergâh-ı âlî bevvâblarından Mustafa Bey b. Abdullah nâm kimesnenin sagīre kızı Ayşe’ye kıbel-i şer‘den vasî olan Ali b. Sinan mahfil-i kazâda Vâlide Sultân -tâbet serâhâ- hazretlerinin bîmarhânelerinde hekimbaşı olan Hasan b. Halil mahzarında takrîr-i kelâm edip mezbûrenin babası merkūm Mustafa bîmarhânede vefât edip muhallefâtını mezbûr kabz eylemiş taleb ederim dedikde mezbûr Hasan Çelebi mezbûr Ayşe müteveffâ-yı merkūmun sulbîye kızı idiğini beyân eylesin dedikde udûl ve sikātdan Hüseyin Bey Bevvâb-ı sultânî ve Mehmed b. Abdullah er-râcil edâ-yı şehâdet-i şer‘iyye edip fi’l-hakīka Ayşe müteveffâ-yı merkūmun sulbîye kızıdır bundan gayrı vârisi var idiğini bilmeziz dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ olup mâ vaka‘a bi’t-taleb tahrîr olundu. Tahrîren fî evâili Zilhicce sene elf. Şuhûdü’l-hâl: Hasan [b.] Sâdık, Muttalib [b.] Süleyman, Mehmed b. Behrâm ve gayruhüm