Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 415 Hüküm no: 750 Orijinal metin no: [71b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Ağa b. el-Mennân’ın, Mustafa b. Kara Hacı’dan satın aldığı tarlanın tasarrufu anlaşmazlığı Zu‘amâdan fahrü’l-emâsil ve’l-akrân Hasan Ağa b. el-Mennân mahfil-i kazâda Hasan Bey mahzarında da‘vâ kılıp mahrûse-i Üsküdar’a tâbi‘ Kesirli’den Mustafa b. Kara Hacı’nın taht-ı tasarrufunda olan tarlasını hâl-i hayâtında üç bin akçeye alıp işbu mezbûr Hasan Bey’den istîzân edip kendi dahi râzı olmuşken hâlâ mezbûr Mustafa fevt olmağla te‘allül edip ben sana izin vermedim deyu tasarrufuma mâni‘ olur suâl olunmasın taleb eylerim dedikde gıbbe’s-suâl mezbûr Hasan cevâb verip fi’l-vâki‘ mezbûr Mustafa’nın taht-ı tasarrufunda olan tarlasına müdde‘î-i mezbûr Hasan Ağa üç bin akçeye aldığını kendiden istimâ‘ ettim vermeden dahi verdim lâkin akçe almadım dediğinde dahi verdim dediği kayd şud. Şuhûdü’l-hâl: Hasan [b.] Hüseyin, Mahmud b. Sefer, Yahya Bey [b.] Mehmed, Mustafa b. Mehmed ve gayruhüm