Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 435 Hüküm no: 804 Orijinal metin no: [76b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal’in, takke ve parasını alan Malkoç’un, araya giren Ramazan Beşe’yi de dövüp küfür ettiği Kırk ikinci cemâ‘atden Ramazan Beşe er-râcil mahfil-i kazâya altmış dördüncü cemâ‘atden Malkoç Beşe er-râcil ihzâr ve mahzarında takrîr-i da‘vâ edip mezbûr Malkoç, Mihail nâm zimmî reisin yolun basıp başından takyesin ve nice akçesin aldıkda mahalle-i Ma‘mûre Subaşısı Mehmed Bey zikr olunan zimmînin takyesini ve akçesini ver deyu ricâ ederken rast gelip ver yoldaş dedikde bî-vech muhkem darb u let eyleyip sakalım yolduğundan gayrı şütûm-ı galîza ile şetm eyledi suâl olunup vukû‘ı üzre tahrîr olunmasın taleb ederim dedikde gıbbe’s-suâl ve akībe’l-inkâr udûl ve sikātdan Mehmed Bey er-râcil ve Abdülhalim b. İvaz ve Ramazan Beşe er-râcil mahfil-i kazâya hâzırûn olup fi’l-hakīka müdde‘î-i mezbûr Ramazan merkūm Malkoç niçin böyle edersin yoldaş bu fakīrin takyesini ve akçesini ver dediği bî-vech darb u let edip ve sakalın yolup ve şütûm-ı galîza ile şetm eyledi bu husûsa şâhidleriz şehâdet ederiz dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ oldukdan sonra mezbûr Ramazan Beşe’ye bu kāfirdir ben kāfirin şehâdetini tutmazım dedikde mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Kıdvetü’l-kuzât Ömer Efendi, Müstedâm Bey el-cündî, Mahmud Bâşe er-râcil, Mehmed Bey b. Ahmed er-râcil ve gayruhüm