Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 435 Hüküm no: 803 Orijinal metin no: [76b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yunus Çelebi ve kardeşi Ahmed Çelebi b. Budak’ın, mahzenlerini Hasan b. Veliyyüddin’e sattıkları Budur ki Yunus Çelebi b. Budak ve karındaşı Ahmed Çelebi mahfil-i kazâda bâ‘isü’l-hurûf Hasan b. Veliyyüddin mahzarında ikrâr edip Yalı kurbunda vâki‘ bir tarafı müşterî-i mezbûr mülkü ile ve bir tarafı Ahmed Çelebi ve Hacı Debbâğ Ferhad ve Hacı Ahmed mülkleriyle ve iki tarafı tarîk-i hâs ile mahdûd ve mümtâz olan mülk mahzenimi cemî‘ tevâbi‘ ve levâhıkıyla mezbûr Hasan’a altı bin dokuz yüz nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldık keyfe mâ yeşâ mutasarrıf olsun dediklerinde mukırrân-ı mezbûrânın vech-i meşrûh üzre vâki‘ olan ikrârlarını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: Zülfikar el-Bakkāl, Müstecâb [b.] Mustafa, Receb [b.] Durmuş, Mehmed b. Behrâm, Mehmed Bey, Ahmed Bey el-cündî, Receb Bey el-bevvâbü’s-sultânî ve gayruhüm