Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 438 Hüküm no: 809 Orijinal metin no: [77a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andon Parmaksız’ın, bağını vefâen Hasan b. Abdullah’a sattığı Budur ki Maltepe nâm karyeden Andon Parmaksız mahfil-i kazâda hâssa bostancılardan Hasan [b.] Abdullah mahzarında ikrâr ve takrîr-i kelâm edip karye-i mezbûre sınırında vâki‘ bir tarafı Todori ve bir tarafı İstemad ve bir tarafı Dimitri nâm zimmîler mülkleriyle ve bir tarafı tarîk-i âm ile mahdûd olan mülk bağımı mezbûr Hasan’a târih-i kitâbdan bir yıl tamâmına değin bey‘-i vefâ ile beş bin iki yüz akçeye bey‘ edip teslîm-i mebî‘ ve kabz-ı semen kıldım dedikde mukırr-ı mezbûrun vech-i meşrûh üzre vâki‘ olan ikrârını mezbûr Hasan vicâhen ve şifâhen tasdîk ettikden sonra bir yıl tamâmından sonra meblağ-ı mezbûru kabz ve îsâle Murad b. Abdullah nâm bostancıyı vekîl eyledim dedikde mezbûr dahi vekâlet-i merkūmeyi kabûl eyledim dedikde mâ vaka‘a bi’t-taleb tahrîr olundu. Şuhûdü’l-hâl: Hacı Mustafa [b.] Mehmed, Mehmed b. Behrâm, Musli Çelebi el-cündî, Şaban [b.] Pîrî ve gayruhüm