Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 439 Hüküm no: 812 Orijinal metin no: [77b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kutbeddin Vakfı’na ait iki değirmenin üç yıllığına mukâtaaya verildiği Merhûm Kutbeddin evkāfına bi’l-fi‘l mütevellî olan fahrü’l-akrân Mehmed Çelebi b. Mustafa mahfil-i kazâda bâ‘isey el-hurûf Emir b. Mustafa ve Dimo v. Yani nâm kimesneler mahzarlarında ikrâr ve takrîr-i merâm edip evkāf-ı mezbûreden Hereke nâm mevzi‘de vâki‘ iki göz değirmeni sene elf Zilhiccesi’nin evâilinden üç yıl tamâmına değin her üç ayda bir kıstü’l-yevm hesâbı üzre haklaşıp ve üç yıl tamâm oldukdan sonra öte taş ile fâriğa olmak üzre otuz altı bin akçe icâreye verdim dedikde mukırr-ı mezbûru vech-i meşrûh üzre vâki‘ olan ikrârını mezbûrân kimesneler vicâhen ve şifâhen tasdîk ettiklerinden sonra mâ vaka‘a bi’t-taleb tahrîr olundu. Şuhûdü’l-hâl: Müstecâb [b.] Mustafa, Hamza Subaşı yayabaşıyân-ı hâssa, Mehmed b. Behrâm ve gayruhüm