Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 447 Hüküm no: 831 Orijinal metin no: [79b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şehzade Sultan Mehmed Vakfı’na ait yerin Yohannan’a satıldığı Merhûm Şehzâde Sultân Mehmed aleyhi rahmetü’l-meliki’s-samed evkāfından Cezâyir zâbiti olan Yohannan v. ( ) mahfil-i kazâda zikr olunan evkāfa tâbi‘ Heybeli Ada sükkânından Kostantin v. Yani tarafından vekîl olup vekâleti nehc-i şer‘î üzre sâbite olan Salomu v. İsak nâm Yahudi mahzarında ikrâr ve takrîr-i kelâm edip mezbûr Kostantin’in evi kurbunda deryâdan tarafa arzı tahmînen üç zirâ‘ arz-ı hâliyeyi mezbûr yedinden vakıf için üç yüz akçe alıp verdim ba‘de’l-yevm sâir emlâki gibi mutasarrıf olsun dedikde mukırr-ı mezbûrun vech-i meşrûh üzre vâki‘ olan ikrârını vekîl-i mezbûr vicâhen ve şifâhen tasdîk ettikde mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Mehmed b. Behrâm, Muttalib [b.] Süleyman, Şaban [b.] Pîrî ve gayruhüm