Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 448 Hüküm no: 832 Orijinal metin no: [79b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Paşa’nın yetimlerine vasî olan Süleyman Çelebi’nin, yetimlerin alacağını tahsil etmesi Merhûm Mehmed Paşa’nın eytâmına kıbel-i şer‘den vasî olan Süleyman Çelebi cânibinden vekîl oldum Ali Halîfe b. Mahmud nâm mahfil-i kazâda bâ‘isü’l-hurûf Pandazi v. Petro nâm zimmî mahzarında ikrâr ve takrîr-i kelâm edip eytâm-ı merkūm mâlından mezbûrun babası olup mürd olan Petro’da beş bin akçe asl-ı mâl ve beş yüz akçe murâbaha var idi hâlâ meblağ-ı mezbûrdan üç bin asl-ı mâl ve beş yüz çuka bahâsın alıp kabz eyledim iki bin akçe bâkī kaldı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikde mâ vaka‘a bi’t-taleb tahrîr olundu. Şuhûdü’l-hâl: Mehmed [b.] Behrâm, İbrahim b. Mahmud, Mehmed b. Mustafa, Mehmed b. Hasan ve gayruhüm