Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 448 Hüküm no: 833 Orijinal metin no: [79b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panzadi’nin evini Ali Halîfe’ye bey‘ bi’l-istiğlâl yoluyla sattığı Mezbûr Pandazi mahfil-i kazâda mezbûr Ali Halîfe mahzarında ikrâr edip Çengel nâm karyede vâki‘ bir tarafı Yorgi ve bir tarafı Velaho oğlu Yorgi mülkleriyle ve iki tarafı tarîk-i âm ile mahdûd olan fevkānî ve tahtânî mülk evi mezbûr Ali Halîfe’ye istiğlâl tarîkiyle iki bin akçeye bey‘ edip teslîm-i mebî‘ ve kabz-ı semen kıldıkdan sonra sene ihdâ ve elf Muharremü’l-harâmı’nın gurresinden bir yıl tamâmına değin iki yüz elli akçe icâreye aldım dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra emr-i bâyi‘ ve kabûl-ı müşterî ile İstemad v. Kosta nâm zimmî zikr olunan evin derkine ve icâresine kefîl oldum dedikde mâ vaka‘a bi’t-taleb tahrîr olundu Şuhûdü’l-hâl: Muttalib [b.] Süleyman, es-sâbikūn