Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 449 Hüküm no: 835 Orijinal metin no: [80a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cihân Hâtun bt. Himmet’e babasından kalan evin tasarrufuna engel olunmaması Mahrûse-i Üsküdar sâkinelerinden Cihân Hâtun bt. Himmet mahfil-i kazâda Gekvize nâhiyesinde Çerkeşli nâm karyeden Asiye bt. Ramazan tarafından nehc-i şer‘le vekâleti sâbite olup ve kendi tarafından asâleten Hızır b. Abdullah mahzarında takrîr-i da‘vâ kılıp karye-i merkūmeden inde’l-cîrân ma‘lûmetü’l-hudûd olup babam mezbûrândan beş yüz akçeye alıp babam fevt olup bana intikāl eden evimi merkūmân fuzûlî tasarruf eder suâl olunmasın taleb eylerim dedikde gıbbe’s-suâl mezbûr Hızır bi’l-muvâcehe cevâb verip zikr olunan ev hâtunum ile ikimizindir ben evi sattım ve hâtunum dahi satmadım deyu inkâr edicek müdde‘iyye-i mezbûrenin da‘vâsına muvâfık beyyine taleb olundukda udûl-i müslimînden Hasan b. Resûl ve Hasan b. Abdullah nâm kimesneler fi’l-hakīka mezbûr Hızır asâleten ve vekâleten zikr olunan evi müdde‘iyye-i merkūmenin babası Himmet’e beş yüz akçeye bey‘ edip kabz-ı semen ve teslîm-i mebî‘ kılıp babası ölünce tasarruf edip ondan merkūmeye intikāl edip biz bu husûsa şâhidleriz şehâdet dahi ederiz dediklerinde şehâdetleri hayyiz-i kabûlde vâki‘ olduğu kayd şud. Şuhûdü’l-hâl: es-Sâbikūn