Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 450 Hüküm no: 836 Orijinal metin no: [80a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rife v. Andon’un babasından kalan ev hissesini kardeşine sattığı Budur ki Mahrûse-i Üsküdar muzâfâtından Kadıköy nâm karye sükkânından Rife v. Andon mahfil-i kazâda karındaşı Serpano nâm zimmî mahzarında ikrâr ve takrîr-i kelâm edip karye-i mezbûrede vâki‘ babamızdan intikāl eden etrâfı Visto ve Andriye ve müşterî-i mezbûr mülkleriyle ve tarîk-i âm ile mahdûd ve mümtâz olan evden dört hisse de bir hisse bana âid olmuş idi hâlâ zikr olunan dört hisse de bir hisse hakkımı mezbûr zimmîye dört bin nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldım ba‘de’l-yevm sâir emlâki gibi mutasarrıf olsun dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: Muttalib [b.] Süleyman, Yenaki, Senadinos [v.] Manol, Andriye [v.] Todori, Todoris Reis [v.] Yani, Papa Saki, Yorgi [v.] Nikola, Aksori [v.] Andon ve gayruhüm Yevmü’l-hamîs fi’l-yevmi’s-sânî min şehri Muharremi’l-harâm li sene ihdâ ve elf