Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 451 Hüküm no: 838 Orijinal metin no: [80b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muharrem Çelebi b. Ali’nin, Yusuf el-Fenârî Vakfı’na olan borcunu eski mütevellîye ödediği Merhûm Yusuf el-Fenârî evkāfına hâlâ mütevellî olan Ahmed b. İbrahim sâbıkan mütevellî olan fahrü’l-akrân Ali Çelebi b. Yusuf el-Fenârî mahfil-i kazâda bâ‘isü’l-hurûf Muharrem Çelebi b. Ali mahzarında ikrâr ve takrîr-i kelâm edip evkāf-ı mezbûreden mezbûr Muharrem Çelebi zimmetinde asl-ı mâl bin akçe olup ve bu âna gelince ribhi ile bi’t-tamâm ve’l-kemâl mezbûr yedinden alıp kabz edip mezbûr Muharrem Çelebi zimmetinde asıldan ve ribhden bir akçe ve bir habbe bâkī kalmadı ba‘de’l-yevm mezbûr Muharrem Çelebi’den evkāf-ı mezbûreye müte‘allik da‘vâ ve nizâ‘ edersek lede’l-hükkâm istimâ‘ olunmaya dediklerinde mukırrân-ı mezbûrânın vech-i meşrûh üzre vâki‘ olan ikrârlarını mukarrun lehü’l-merkūm Muharrem Çelebi vicâhen ve şifâhen tasdîk ettikden sonra mâ vaka‘a bi’t-taleb tahrîr olundu Şuhûdü’l-hâl: Kıdvetü’s-sâlihîn el-Hâc Mustafa Efendi b. Tur Bâli, Ali Çelebi b. Ömer Halîfe, Müstedâm Bey el-cündî, diğer Ali Çelebi, Mehmed b. İbrahim Kâtib-i mahkeme-i kübrâ, Yusuf el-mütevellî ve gayruhüm