Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 451 Hüküm no: 839 Orijinal metin no: [80b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf el-Fenârî Vakfı’nın, Hirsori v. Andon’daki alacağının tahsil edildiği Budur ki Merhûm Yusuf el-Fenârî evkāfına hâlen mütevellî olan Ahmed b. İbrahim mahfil-i kazâda bâ‘isü’l-hurûf karye-i Kadı sâkinlerinden Hirsori v. Andon nâm zimmî mahzarında ikrâr edip evkāf-ı mezbûre mâlından mezbûr zimmî zimmetinde beş bin akçe olup meblağ-ı mezbûru ve murâbahasını bi’t-tamâm aldım kabz eyledim zimmetinde bir akçe bâkī kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Şuhûdü’l-hâl: El-Hâc Hüseyin [b.] Mustafa, Hasan b. Sefer, Mehmed b. Behrâm, Şaban [b.] Pîrî ve gayruhüm