Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 454 Hüküm no: 846 Orijinal metin no: [81a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kirişçi Mehmed b. Ömer’in, Yusuf Ağa Vakfı’na sattığı evi tekrar kiraladığı Kefçe mahallesinden Kirişçi Mehmed b. Ömer nâm kimesne mahfil-i kazâda Galata sarayında merhûm Yusuf Ağa evkāfına mütevellî olan Mustafa b. Pîr Mehmed mahzarında ikrâr ve i‘tirâf edip evkāf-ı merkūme mâlından dört bin beş yüz akçeye mahalle-i merkūmeden inde’l-cîrân ma‘lûmetü’l-hudûd evimi mütevellî-i mezbûra ber vech-i istiğlâl bey‘ edip ve yine mütevellî-yi merkūmdan menzil-i mezbûru her sene dört yüz elli akçeye icâreye aldım deyip ve medyûn-ı mezbûrun oğlu Mehmed ve Kirişçi Haydar b. Abdullah menzil-i merkūmun derkine ve meblağ-ı mezbûra biz kefîl olduk dediklerinde mütevellî-yi mezbûr bi’l-muvâcehe tasdîk eylediği kayd şud. Şuhûdü’l-hâl: Seyyid Musa b. es-Seyyid İbrahim, Usta Sefer, Hamza b. İlyas, Mehmed b. Yusuf ve gayruhüm