Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 457 Hüküm no: 852 Orijinal metin no: [81b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hirsori v. Andriye’nin, evini Yusuf Efendi el-Fenârî Vakfı’na bey‘ bi’listiğlâl yoluyla sattığı Merhûm Yusuf Efendi el-Fenârî evkāfına hâlâ mütevellî olan Ahmed b. İbrahim mahfil-i kazâda Kadıköyü nâm karye sâkinlerinden Hirsori v. Andriye nâm zimmî mahzarında ikrâr ve takrîr-i kelâm edip sâbıkan evkāf-ı mezbûreye mütevellî olan Ali Çelebi’ye karye-i mezbûrede vâki‘ evini istiğlâl tarîkiyle beş bin akçeye bey‘ edip yine beş yüz akçe icâreye almış idi hâlâ meblağ-ı mezbûru ve ev icâ­resini mezbûr Hirsori yedinden bi’t-tamâm aldım kabz eyledim vakf-ı mezbûr mâ­lından mezbûr zimmî yedinde bir akçe ve bir habbe bâkī kalmadı dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm Hirsori vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fi’t-târihi’l-mezbûr. Şuhûdü’l-hâl: Muttalib [b.] Süleyman, Ali Çelebi [b.] Yusuf el-Fenârî, Şemseddin [b.] Sâdık ve gayruhüm