Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 457 Hüküm no: 851 Orijinal metin no: [81b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasım Bey b. Abdurrahman ile Müezzin Ahmed Halîfe b. Abdülvehhâb’ın, ortak aldıkları yer paylaşması Oldur ki Mahmiye-i Tophâne’de mahalle-i mezbûreden Mevlânâ Ahmed b. Abdullah mahfil-i kazâda Dergâh-ı âlî bevvâblarından Kasım Bey b. Abdullah mahzarında ikrâr ve takrîr-i merâm kılıp Dergâh-ı âlî çavuşlarından Lütfi Çavuş yedinden elli bin akçeye ber vech-i iştirâk bundan akdem bir mikdâr yer almışdık hâlâ kendi rızâmız ile müslimûn mahzarında taksîm edip cânib-i garbında merkūm Kasım Bey [b.] Yusuf ile Ahmed Yeniçeri bağlarıyla ve benim bağım ile ve tarîk-i âm ile mahdûd yer mezbûrun hissesine zikr olunan hudûd ile mahdûd olan yer düşüp benim aldığım yerden bu iyice olmağla merkūm Kasım Bey bana yerin nısfını ve iki bin beş yüz akçe dahi verdi ben dahi zikr olan iki bin beş yüz akçeyi ve yerin nısfını alıp cânib-i garbında olan nısf-ı âharını merkūm Kasım Bey’e verdim ol dahi kendi hissesine zikr olunan yeri alıp kabûl eyledi deyicek ol dahi tasdîk eylediği kayd şud. Şuhûdü’l-hâl: es-Sâbikūn