Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 462 Hüküm no: 866 Orijinal metin no: [83a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Bey’in, boş bir yeri Veli b. Mustafa’ya sattığı Mahrûse-i Üsküdar sâkinlerinden Hasan Bey er-râcil mahfil-i kazâda bâ‘isü’l-hurûf Hacı Veli b. Mustafa mahzarında ikrâr ve takrîr-i kelâm edip Hâcce Hâtun mahallesinde vâki‘ bir tarafı Hüseyin b. Abdullah ve bir tarafı bâyi‘-i mezbûr mülkleriyle ve iki tarafı tarîk-i âm ile mahdûd ve mümtâz olan tûlü on zirâ‘ ve arzı sekiz zirâ‘ arz-ı hâliyeyi mezbûr Veli Bey’e dört bin nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldım dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikden sonra mâ vaka‘a tahrîr olundu. Tahrîren fî evâili Muharremi’l-harâm sene ihdâ ve elf. Şuhûdü’l-hâl: Mehmed Çelebi [b.] Ahmed el-cündî, Ali b. Halil, Abdülcelîl b. Şuayb el-imâm, Ramazan [b.] Ali, Cafer Bey ez-zaîm, Receb [b.] Himmet Yevmü’s-sülesâ fi’l-yevmi’s-sâmin min şehri Muharremi’l-harâm li sene ihdâ ve elf