Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 463 Hüküm no: 868 Orijinal metin no: [83a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Ömer’in kölesini âzat ettiği Budur ki Saliç nâm karye sâkinlerinden Hüseyin b. Ömer nâm kimesne mahfil-i kazâda işbu orta boylu açık kaşlı elâ gözlü sarı sakallı Bosnaviyyü’l-asl Durmuş b. Abdullah nâm kimesne mahzarında takrîr-i kelâm edip bundan akdem mezbûr Durmuş babam Ömer’in kulu olup hâl-i hayâtında on iki yıl vermiş andan hâlâ müddeti tamâm oldu mülkümüzden âzâd olup sâir ahrâr-ı asliyyîn gibi hür olsun dedikde mukırr-ı mezbûru vech-i meşrûh üzre vâki‘ olan ikrârını mezbûr Durmuş vicâhen ve şifâhen tasdîk edip mâ vaka‘a bi’t-taleb tahrîr olundu. Tahrîren fî evâili Muharremi’l-harâm sene ihdâ ve elf. Şuhûdü’l-hâl: Mahmud Bey [b.] Abdullah er-râcil, İsmail Bey [b.] Abdullah, Ali b. Hamza, Mehmed b. Hasan, Mehmed b. Behrâm