Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 465 Hüküm no: 873 Orijinal metin no: [83b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Köstendil sancağındaki hassa doğancıların müjde bahâların iltizâma verilmesi Hâssa çakırcılarbaşı olan kıdvetü’l-emâcid ve’l-a‘yân ve fahrü’l-ekābir ve’l-akrân İbrahim Ağa tarafından vekîl olup vekâleti nehc-i şer‘î üzre sâbit olan çakırcılar çavuşu Hüseyin Çavuş mahzarında mahfil-i kazâda doğancılardan olup zimmî tâifesinden olan Gavriye v. Novak nâm zimmî ikrâr ve takrîr-i kelâm edip Köstendil sancağında vâki‘ hâssa doğancıların sene elf Muharremü’l-harâmı’nın ibtidâsında bir yıl tamâmına değin müjde bahâların yirmi beş bin akçeye iltizâm ve kabûl eyledim ve zarar-ı mâla Veli Bey b. Habîb kefîl bi’l-mâl oldu dedikde mukırr-ı mezbûrun vech-i meşrûh üzre vâki‘ olan ikrârını vekîl-i mezbûr vicâhen ve şifâhen tasdîk ettikden sonra emr-i Gavriye ile mezbûr Veli Bey fi’l-hakīka yirmi beş bin akçenin zararına kefîl oldum dediği bi’t-taleb tahrîr olundu. Şuhûdü’l-hâl: Hasan [b.] Sâdık, Mehmed b. Behrâm, Şaban b. Pîrî ve gayruhüm