Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 466 Hüküm no: 874 Orijinal metin no: [83b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âlime bt. Habîb’in ahırda iki yabancı ile sohbet ederken görüldüğü Mahrûse-i Üsküdar sâkinlerinden Mehmed b. Memi mahfil-i kazâda taht-ı nikâhında olan Âlime bt. Habîb nâm hâtunu mahfil-i kazâda takrîr-i merâm kılıp mezbûrenin sâbıkan bir evzâ‘ istimâ‘ olunup dükkânıma gelip hâtunun Mahmud’un ahırında biraz misâfirleri ile musâhabededir deyu haber verdiklerinde ahâlî-i mahalle ile zikr olunan ahırın üzerine varılıp ahırın kapısının içerisinde iki nefer nâ-mahrem ile mezbûr Âlime küçük kızı ile biz anda varmayınca taşra çıkmadılar suâl olunsun dedikde gıbbe’s-suâl mezbûre Âlime yolda giderken beni misâfirler içeri çektiler deyip ve ahâlî-i mahalleden zikr olunan kimesneler ve dahi saîrleri vech-i meşrûh üzre mezbûre Âlime’yi içeride iki nefer nâ-mahrem ile gördük ve sâbıkan dahi bu …? nâ-pesendîde sâdır oldu deyu istimâ‘ olundu deyu haber verdikleri bi’t-taleb kayd şud. Şuhûdü’l-hâl: Ahmed Bey, Müstedâm Bey, İlyas Bey, Musa Bey ve gayruhüm Yevmü’l-ahad min şehri Muharremi’l-harâm li sene ihdâ ve elf