Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 475 Hüküm no: 894 Orijinal metin no: [85b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Petroz v. Yakob’un vakfa sattığı evi kiraladığı Budur ki Mahalle-i Ma‘mûre’den Petroz v. Yakob nâm (…)evkāfına bi’l-fi‘l mütevellî olan (…) ikrâr ve takrîr-i kelâm edip mahalle-i mezbûre (…) Ferhad v. Yakob mülkü ile ve bir tarafı arz-ı hâliye (…) tarîk-i âm ile mahdûd olan iki bâb fevkānî evi ve bir bâb tahtânî odayı ve kuyuyu ve bahçeyi müştemil olan evimi cemî‘ tevâbi‘ ve levâhıkıyla mütevellî-yi mezbûra on bin (…) bey‘-i bât ile bey‘ edip teslîm-i mebî‘ ve kabz-ı semen kıldıkda yine sene ihdâ ve elf Muharremi’nin gurresinde bir yıl bir (…) değin bin akçe icâreye alıp kabûl eyledim dedikde mukırr-ı mezbûrun vech-i meşrûh üzre vâki‘ olan ikrârını mukarrun lehü’l-merkūm vicâhen ve şifâhen tasdîk ettikde mâ vaka‘a bi’t-taleb kayd olundu. Tahrîren fi’t-târihi’l-mezbûr. Şuhûdü’l-hâl: Durak [b.] Hamza, Eyüp b. Hasan, Merd b. Himmet ve gayruhüm