Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 475 Hüküm no: 895 Orijinal metin no: [86a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Efendi’nin evini Mahmud Bey’e sattığı Budur ki Kıdvetü’l-müderrisîni’l-izâm Ayaşlı demekle ma‘rûf Ahmed Efendi tarafından ikrâr-ı âti’z-zikre Mehmed b. Ali ve İsa b. Muzaffer şehâdetleriyle sâbitü’l-vekâle nehc-i şer‘î üzre sâbite olan karındaşı Ali mahzarında ikrâr ve takrîr-i kelâm edip Çavuş mahallesinde vâki‘ bir tarafı Hüdaverdi mülkü ile ve etrâf-ı selâsesi tarîk-i âm ile mahdûd olan üç bâb tahtânî ve iki bâb fevkānî evleri ve kenîf ve havluyu ve kuyuyu ve eşcâr-ı müsmire ve gayrı müsmireyi müştemil olan mülk evini cemî‘ tevâbi‘ ve levâhıkıyla mezbûr Mahmud Bey’e yirmi altı bin sekiz yüz nakd râyic fi’l-vakt akçeye bey‘ edip teslîm-i mebî‘ ve kabz-ı semen kıldım keyfe mâ yeşâ mutasarrıf olsun dedikde mukırr-ı mezbûrun vech-i meşrûh üzre vâki‘ olan [ikrârını] mukarrun lehü’l-merkūm vicâhen ve şifâhen tasdîk ettikden sonra mâ vaka‘a bi’t-taleb tahrîr olundu. Tahrîren fî evâhiri Muharremi’l-harâm sene ihdâ ve elf. Şuhûdü’l-hâl: Hüdaverdi Halîfe el-imâm, Hâssa kilârcılardan Ferhad Bey, Mahmud Bey [b.] Abdullah, Ali Çelebi b. Sinan, Musa b. Hasan ve gayruhüm