Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 476 Hüküm no: 897 Orijinal metin no: [86a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hızır’ın evini, Veli Halîfe b. Evliyâ’ya bey‘ bi’l-istiğlâl yoluyla sattığı Mehmed b. Hızır nâm kimesne mahfil-i kazâda mahalle-i Hamza Fakih avârızı akçesine mütevellî olan Veli Halîfe b. Evliyâ mahzarında ikrâr edip mahalle-i mezbûrede vâki‘ bir tarafı bahçe-i Râbia Hâtun ve bir tarafı Derviş Çelebi eviyle ve iki tarafı tarîk-i âm ile mahdûd olan evimi mütevellî-i mezbûra istiğlâl tarîkiyle bin akçeye bey‘ edip teslîm-i mebî‘ ve kabz-ı semen kıldıkdan sonra li sene ihdâ ve elf Muharremi’nin ibtidâsından bir yıl tamâmına değin yüz yirmi akçe icâreye aldım dedikde gıbbe’t-tasdîk kayd olundu. Tahrîren fi’t-târihi’l-mezbûr. Şuhûdü’l-hâl: Bâli Halîfe b. Pîr Kadem el-imâm, Mehmed el-attâr, Ali [b.] Abdullah, Atâ Çelebi el-müstaid ve gayruhüm