Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 478 Hüküm no: 902 Orijinal metin no: [86b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hasan’ın, bağ ve boş arâziyi Pavlo v. Kosta’ya sattığı Oldur ki Karye-i Kadı’dan Mehmed b. Hasan nâm kimesne mahfil-i kazâda karye-i merkūmdan Pavlo v. Kosta nâm zimmî mahzarında ikrâr ve takrîr-i merâm kılıp karye-i mezbûrede Mahmud b. ( ) bostanıyla ve Mehmed bostanıyla ve iki tarafı tarîk-i âmla mahdûd olup tahmînen dönüm mikdârı bağı ve bir mikdâr arz-ı hâliyeyi mezbûr Pavlo’ya sekiz bin beş yüz nakid akçeye bey‘ edip kabz-ı semen ve teslîm-i mebî‘ kıldım dedikde mezbûr Pavlo dahi bi’l-muvâcehe tasdîk eylediği kayd şud. Şuhûdü’l-hâl: Mustafa Bey [b.] Siyami Reis-i sarrâcân-ı hâssa, Hızır b. Cafer, Mustafa b. Derviş, Mehmed b. Pîr Veli, Hüseyin b. Bâli, Hasan b. Abdullah Cerrâh-ı hâssa Ramazan b. Mehmed, Cafer b. Ali