Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 478 Hüküm no: 901 Orijinal metin no: [86b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Halîfe’nin vakıf için boş bir arâziyi Hüdaverdi b. Ramazan’a kiraya verdiği Vech-i tahrîr-i sicil budur ki Üsküdar mahallâtından Kefçe mahallesi mescidi imâmı olan Mehmed Halîfe b. ( ) mahfil-i kazâda bâ‘isü’l-kitâb Hüdaverdi b. Ramazan mahzarında takrîr-i merâm ve ta‘bîr-i kelâm edip bir tarafı kendi mülküm ve bir tarafı Hızır Hacı havlusuyla ve bir tarafı tarîk-i âm ile mahdûd olan arz-ı hâliyeyi vakfa enfa‘ olmağın vakıf için icâre-i mu‘accele altı yüz akçe alıp her sene üçer akçe mukāta‘a ile merkūm Hüdaverdi’ye verdim her sene vakıf için ta‘yîn olunan üçer akçeyi edâ eyledikden sonra merkūm Hüdaverdi’nin tasarrufuna kimesne mâni‘ ve müzâhim olmaya dedikde mukırr-ı mezbûr vech-i meşrûh üzre vâki‘ olan ikrârını mezbûr Hüdaverdi vicâhen ve şifâhen tasdîk ettikden sonra mâ vaka‘a bi’t-taleb kayd olundu. Şuhûdü’l-hâl: Mehmed b. Abdullah, Mahmud b. İlyas, Ferhad b. Memi, Abdullah b. Abdi ve gayruhüm