Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 516 Hüküm no: 1015 Orijinal metin no: [95a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyf v. Muharrem’in, İsrail köyüne zağanos sayyâdî tayin edildiği Sebeb-i tahrîr-i tevkî‘-i refî‘-i hâkānî hükmü oldur ki İftihârü’l-emâcid ve’l-ekârim şâhincibaşı -zîde mecduhû- mühürlü tezkere gönderip Üsküdar kazâsına tâbi‘ İsrail nâm karyede mîrîye yarâr zağanoslara sâhib olup lâkin sayyâdî olmak için berât-ı şerîf Şeyhli nâm karye sâkinlerinden Seyf v. Muharrem nâm kimesne zağanos değil ise mezkûru mahall-i merkūmda zağanos sayyâdî ta‘yîn edip bu berât-ı hümâyûnu verdim ve buyurdum ki varıp mahall-i mezbûrda olıgelen âdet ve kānûn üzre zağanos sayyâdî olup mâdem ki her sene hâsıl eylediği zağanosları Dergâh-ı mu‘allâm’a getirmek için doğancıbaşına teslîm edip kusûru olmaya bunun emsâli zağanos sayyâdları hizmetleri mukābelesinde avârız-ı dîvâniyye ve tekâlîf-i örfiyyeden ne vechile mu‘âf ve müsellem olagelmişler ise mezkûr dahi ol vechile ola ol bâbda kimesne mâni‘ ve müzâhim olmaya şöyle bileler alâmet-i şerîfe i‘timâd kılalar. Tahrîren fi’l-yevmi’t-tâsi‘ ve’l-ışrîn min şehri Zilhicce sene semân ve seb‘în ve tis‘a-mi’e. Be-makām-ı Kostantıniyye Kitâbü’l-evâmir