Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 517 Hüküm no: 1017 Orijinal metin no: [95b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Çavuş’a tayin edilen timar karyeleri ve gelirleri Nişân-ı şerîf-i âlîşân-ı hâkānî hükmü oldur ki Suğla sancağından Balat nâhiyesinde işbu yedi bin doksan sekiz akçe tîmara yirmi beş bin dokuz yüz iki akçe noksanı ile ber vech-i tekmîl otuz üç bin akçelik üzre mutasarrıf olup hâlâ Dergâh-ı mu‘âllâm çavuşlarından olan râfi‘-i tevkî‘-i refî‘u’ş-şân kıdvetü’l-emâsil ve’l-akrân İbrahim Çavuş -zîdet- Südde-i sa‘âdetime gelip berâtı mûcebince noksanı olup ve Tebriz seferinde yoldaşlığında bulunduğu arz olundukda iki bin akçe ve bir def‘a dahi isyân üzre olan Han Muhârebesi’nde yoldaşlıkda bulunmağın ile dört bin akçe terakkīye verilen hüküm mahlûle verilip müyesser olmayıp ve bir def‘a dahi Tebriz’de hizmetde bulunmak ile üç bin akçeye ve bir def‘a dahi yarardır deyu arz olundukda iki bin akçe ve bir def‘a dahi Tunus beylerbeyisi arzıyla iki bin akçe terakkīlere ahkām-ı şerîfe verilip ba‘dehû bir görülüp müyesser olmadığı ve Kocaeli sancağında Şile nâhiyesinde İsaoğlu Çiftliği ve gayriden on bin doksan beş akçe tîmar Dergâh-ı mu‘allâm müteferrikalarından berâtın verip ferâgat eden Abdullah oğlu İbrahim tahvîlinden kendiye verilmek bâbında inâyet ricâ etmeğin ferâğat ederse tevcîh idesiz deyu doksan dokuz Zilhiccesi’nin evâilinde hükm-i şerîfim verildikden sonra tezkiresin Bâb-ı sa‘âdetimden ihrâc olunmak fermânım olmağın zikr olunan on bin doksan beş akçe tîmar fâriğ-i mezbûr tahvîlinden alınmak evvelânıyla biriktirilip cümle tîmarı on yedi bin yüz doksan üç akçe olup doksanıyla emr olunan terakkīleri bedelinden on sekiz bin iki akçe noksanı ile ber vech-i tekmîl otuz altı bin akçelik üzre tevcîh olunup Südde-i sa‘âdetimden lâyık gördüm ki zikr olunur. Karye-i İsa Oğlu Çiftliği tâbi‘-i Şile 1500 Karye-i İnlü tâbi‘-i m. 650 Karye-i Gedikli tâbi‘-i İznikmid 1500 Karye-i Torbalı tâbi‘-i m. 2500 Karye-i Kalafatlı tâbi‘-i m. 940 Karye-i Tembur tâbi‘-i Şile 2651 Karye-i Tatar Ahmed tâbi‘-i Tımareş 3161 Yekûn 7095 Karye-i Âdil Çiftliği tâbi‘-i nâm-ı diğer Hânevîran tâbi‘-i Şile 1200 yekûn 7120 çift 2000 Karye-i Haydarlu tâbi‘-i Ada 51 Yekûn-ı mahsûbât 10095, çift 1000, 4260 Ve mahsûbât-ı Kurd ve livâ-i Suğla Karye-i Karacaâbâd tâbi‘-i Balat 20500 çift 10000=4641 Karye-i Lurban tâbi‘-i m. 19000, çift 6000= 957 Karye-i Torbalı nâm-ı diğer tâbi‘-i Balat 20000, 7000, 1500 Yekûn an tahvîl 7598 Cem‘an 17193 Ve buyurdum ki ba‘de’l-yevm taht-ı yedinde olup tasarruf kılıp şöyle ki vezâyif-i hıdemât Dergâh-ı mu‘allâm çavuşluğudur bî-kusûr mü’eddâ kıla ve ze‘âmete dahi mûmâileyhsin subaşı bilip subaşılıka müte‘allik umûrda müşârunileyhe mürâca‘at edeler ol bâbda hiç ahad mâni‘ ve dâfi‘ olmaya şöyle bileler alâmet-i şerîfe i‘timâd kılalar. Tahrîren fî 28 Zilhicce sene 999. Be-makām-ı Kostantıniyye