Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 219 Hüküm no: 240 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un eşi Bostancı İsmail Bey’in zimmetini ibra ettiği Medîne-i Üsküdar’da Mehmed Paşa mahallesi sâkinelerinden olup zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Fâtıma bt. Mehmed nâm hatun meclis-i şer‘-i şerîf-i enverde sâbıkā zevci işbu râfi‘ü’l-vesîka Bostânî İsmail b. Mehmed nâm kimesne mahzarında ikrâr ve takrîr-i kelâm edip mezbûr Bostânî İsmail Bey üç yüz bir akçe mehr-i müeccel tesmiyesiyle zevcim olup hâlâ beni bâyinen tatlîk etmekle zimmetinde ma‘kūdün-aleyh olan sâlifü’z-zikr bin üç yüz bir akçe ile nafaka-i iddet ve me’ûnet-i süknâm için bi’t-terâzi üç yüz altmış akçe ki min-haysü’l-mecmû‘ bin altı yüz altmış bir akçeyi meclis-i şer‘de bana def‘ ü teslîm eyledikde ben dahi bi’t-tamâm ahz u kabz eyledim ba‘de’l-yevm mezbûr Bostânî İsmail ile da‘vâ ve husûmetim kalmamışdır dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min-şehri Rebî‘i’l-âhir li-seneti ihdâ ve hamsîn ve mi’ete ve elf. Şuhûdü’l-hâl: Veli Bey b. Mehmed, es-Seyyid Süleyman b. Mehmed, Mustafa Bey b. Ahmed, el-Hâc Hanefi b. Ali, Hasan Bey b. Ramazan, Mehmed Bey b. Hüseyin.