Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 231 Hüküm no: 257 Orijinal metin no: [66b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’un eşi Mehmed Çelebi’deki mehir, nafaka ve diğer haklarını aldığı Medîne-i Üsküdar’da Hasan Ağa mahallesi sâkinelerinden olup zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Emine bt. Mehmed nâm hatun meclis-i şer‘-i şerîf-i enverde sâbıkā zevc-i mutallakası [mutallıkı] işbu râfi‘ü’l-vesîka Mehmed Çelebi b. Musa nâm kimesne mahzarında ikrâr ve takrîr-i kelâm edip mezbûr Mehmed Çelebi üç bin akçe mehr-i müeccel tesmiyesiyle zevcim olup bundan akdem beni bâyinen tatlîk etmekle zimmetinde ma‘kūdün-aleyh olan sâlifü’z-zikr üç bin akçe ile nafaka-i iddet-i ma‘lûme ve me’ûnet-i süknâm için bi’t-terâzi yüz seksen akçe ki min-haysü’l-mecmû‘ üç bin yüz seksen akçeyi meclis-i şer‘de bana def‘ ü teslîm ettikde ben dahi bi’t-tamâm ahz u kabz eyledim ba‘de’l-yevm mezbûr Mehmed Çelebi ile hukūk-ı zevciyete müte‘allıka âmme-i da‘vâdan husûmetim kalmamışdır dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-şehri Rebî‘i’l-âhir li-seneti ihdâ ve hamsîn ve mi’ete ve elf. Şuhûdü’l-hâl: İbrahim Çelebi b. Osman, Mustafa b. Süleyman, Memiş Çelebi b. Ahmed, Ali Beşe b. Abdullah, Ebubekir Ağa b. Murad, Mehmed Ağa b. Mustafa, Hasan Beşe b. Abdullah.