Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 248 Hüküm no: 277 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ergenlik yaşına girmeden evlendirilen Ümmügülsüm’ün eşi Mehmed’den muhâlaa yoluyla boşandığı Medîne-i Üsküdar’da Solak Sinan mahallesi sâkinelerinden sagīre Ümmügülsüm bt. Ahmed’in anası ve veliyyesi olup zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Hadîce bt. Ahmed nâm hatun meclis-i şer‘-i şerîf-i enverde sagīre-i mezbûrenin zevc-i dâhili işbu râfi‘ü’l-vesîka Mehmed b. Hüseyin b. Ömer nâm kimesne mahzarında bi’l-<>velâye ikrâr ve takrîr-i kelâm edip mezbûr Mehmed kızım sagīre-i mezbûrenin zevci olup beynlerinde hüsn-i zindegâneleri olmayıp hul‘a tâlibe olduğu ecilden mezbûrun zimmetinde mütekarrir ve ma‘kūdün-aleyh olan iki bin beş yüz akçe mehr-i müeccelinden ve nafaka-i iddet-i ma‘lûmesinden ben fâriğa olup ve me’ûnet-i süknâsı dahi kendi üzere [üzerine] olmak üzere hul‘ eyledim ba‘de’l-bülûğ hul‘-ı mezbûru tecvîz etmeyip mehr-i mezkûrunu zevci merkūmdan ahz ederse ben dâmine oldum dedikden sonra mezbûr Mehmed dahi hul‘-ı merkūmu ber-vech-i muharrer kabûl etmekle <<Ümmügülsüm>> sagīrenin bedel-i hul‘u mâl-ı nefsine izâfet edip yâhûd dâmine olucak hul‘ tâm olmağın mâ hüve’l-vâki‘ bi’t-taleb ketb olundu. Fî ( ) sene 1150 Şuhûdü’l-hâl: Mustafa Bey b. Ahmed, Veli Bey b. Mehmed, İsa Bey b. Musa, Hasan Bey b. Ramazan.