Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 246 Hüküm no: 276 Orijinal metin no: [73a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Mehmed’in yeniden tahrir edilen terekesi Medîne-i Üsküdar’a muzâfe Adalar nâhiyesine tâbi‘ Tuzla karyesinde fevt olan Mehmed b. Ali’nin verâseti sulbî kebîr oğlu Mustafa Beşe ve sulbiye kebîre kızları Emetullah ve Rukiye ve Zeyneb nâm hatunlara münhasıra olduğu şer‘an zâhir ve mütehakkık oldukdan sonra müteveffâ-yı mezbûrun terekesi müceddeden tahrîr ve Kartal nâibi Mehmed Efendi dâ‘îlerinin i‘lâmları üzere müteveffâ-yı mezbûrun sülüs-i mâlı vücûh-ı birre harc ü sarf için mevkūfen teslîm-i Hazîne-i âmire olunmak için müekked fermân-ı âlîlerine imtisâlen bu fakīr tarafından me’zûnen irsâl olunan Ahmed Efendi dâ‘îleri ve husûs-ı mezbûra mübâşir ta‘yîn buyrulan Abdurrahim Çavuş kulları ile karye-i mezbûrede müteveffâ-yı mezbûrun hayâtında sâkin olduğu menzile varıp ba‘de akdi’l-meclis civârında vâki‘ kurâ ahâlîleri ve Tuzla karyesi imâmı ve cemâ‘ati ve zâbiti hâzır oldukları hâlde müceddeden müteveffâ-yı mezbûrun tahrîr olunan mecmû‘-ı terekesinin defteridir ki ber-vech-i âtî zikr olunur. Hurrire fi’l-yevmi’t-tâsi‘ min-Şevvâli’l-mükerrem li-seneti hamsîn ve mi’ete ve elf. Karye-i mezbûrede câmi‘-i şerîf karşısında cümlenin ittifâk ve ittihâdları üzere menzil kıymeti Meblağ 24000 akçe Harâb sagīr menzil kıymeti 8400 akçe Yine cümlenin ittifâkı üzere mahzen kıymeti 3600 akçe Yine cümlenin ittifâkı üzere kış bağı kıymeti 14400 akçe Üç dönüm bir kıt‘a bağ kıymeti 2000 akçe Evânî-i nühâs hurdası 21 kıyye fî 100 2100 akçe Cılkafa kürk müsta‘mel 1600 akçe Kırmızı çukaya kaplı köhne nâfe kürk 1000 akçe Kahverengi çuka dolama 1200 akçe Yeşil çuka biniş 800 akçe Siyâh kılıç 800 akçe Buğday 6 keyl fî 100 600 akçe Saman 12 kantar fî 50 600 akçe Soğan 20 keyl fî 80 1600 akçe Döşek 1 300 akçe Köhne yorgan 2 200 akçe Köhne beledî yastık 4 160 akçe Mâî beylik 2 120 akçe Köhne kilim 2 240 akçe Bağ çapası 3 150 akçe Tekne 2 60 akçe Kandil 2 24 akçe Kantar 2 120 akçe Küp 2, fıçı 2 180 akçe İskemle ve hatab 3 çeki 180 akçe Zimem ve nukūd 137 guruş Meblağ 16440 akçe Cem‘an yekûn: 80874 akçe Yalnız seksen bin sekiz yüz yetmiş dört akçedir. Minhâ el-mesârif: Müteveffâ-yı mezbûrun levâzım-ı techîz ve tekfîn ve iskāt-ı salât için ber-mûceb-i vasiyet 6000 akçe Müteveffâ-yı mezbûrun cihet-i karzdan Aydınlı karyesinden Ali b. Hasan ve İbrahim b. İsmail şehâdetleri ve ba‘de’t-tahlîfi’ş-şer‘î oğlu Mustafa’nın şer‘an sâbit olan hakkı Meblağ 4000 akçe Müteveffâ-yı mezbûr üç ay mukaddem fevt olmağla husûs-ı merkūm için ta‘yîn olunan çavuşlara ücret-i kayık ve iktizâ eden ta‘âmiye masrafı Meblağ 2400 akçe Yekûn-ı mesârif: 12400 akçe. Sahhe’l-bâkī: 68474 akçe [73b] Minhâ es-sülüs: 22823 akçe. Mübâşir-i merkūm Abdurrahim Çavuş’a Hazîne-i âmire’ye teslîm için teslîm olunmuşdur. Sahhe’l-bâkī taksîm-i beyne’l-verese: 45651 akçe. Hissetü’l-ibn Mustafa 18260 akçe Hissetü’l-bint Emetullah 9130 akçe Hissetü’l-bint Rukiye 9130 akçe Hissetü’l-bint Zeyneb 9130 akçe Kesr-i bâkī 1 akçe