Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 51 Hüküm no: 1 Orijinal metin no: [1b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzguncuk mahallesinin yollarına pislik atanların men edilmesi Üsküdar nâibi efendi şer‘le görüp i‘lâm eyleyesin deyü buyruldu. Devletlü ve sa‘âdetlü sultânım hazretleri sağ olsun. İzzetlü bostancıbaşı ağa nezâretinde merhûm Abdullah Ağa Vakfı olan Üsküdar’a tâbi‘ Kuzguncuk nâm karyenin ahâlîleri olup karye-i mezbûrun tarîk-i âmmı Tazıcı yoluna kefereler necâset ilkā etdiler. Vezîr-i sâbık sa‘âdetlü Ali Paşa gününde arzuhâl etdik, nâzır-ı vakf izzetlü bostancıbaşı ağaya fermân olundu. Tathîr ve fî-mâ ba‘d etmemeğe ta‘ahhüd eyledikleri sened yedimizde iken yine ol kabâhate garazan başladılar. Merhameten vâki‘ hâlî nâzır-ı vakf izzetlü bostancıbaşı ağa ma‘rifetiyle evkāf müfettişi efendi şer‘le görüp men‘ ve i‘lâm emr ü fermân sultânımındır. Bende: Kuzguncuk Yahûdî re‘âyâları.