Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 53 Hüküm no: 5 Orijinal metin no: [2a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşadığı karısı Şerife Ümmü Gülsüm’ün mihrini ve nafakasını ödemesi hakkında Ahmed’e tenbihte bulunulduğu Ma‘rûz; Üsküdar’da Mirahur mahallesinde sâkine Şerife Ümmü Gülsüm nâm hatun zevc-i dâhili Ahmed muvâcehesinde târih-i i‘lâmdan iki gün mukaddem beni bâyinen tatlîk etmekle zimmetinde mütekarrir ve ma‘kūdün-aleyh olan otuz guruş mehr-i mü’eccelim ile nafaka-i iddet-i ma‘lûmem ve me’ûnet-i süknâmı mezbûr Ahmed’den taleb ederim deyü da‘vâ eylediğimde mezbûr Ahmed cevâbında hâl müdde‘iye-i mezbûrenin takrîri üzere olup hâlâ mezbûreyi bâyinen tatlîk ve otuz guruş mehr-i mü’eccel hakkı müdde‘iye-i mezbûreye deyni olduğunu bi-tav‘ihî ikrâr ü i‘tirâf etmeğin mûcebince meblağ-ı merkūm otuz guruşu edâ ve teslîme mezbûr Ahmed’e tenbîh olundukdan sonra nafaka-i iddet ve me’ûnet-i süknâsı içün târih-i i‘lâmdan küllü yevm bi’t-terâzî dörder para farz ve takdîr ve istidâne ve rücû‘a mezbûre Şerife Ümmü Gülsüm’e kıbel-i şer‘den izin verildiği bi’l-iltimâs huzûr-ı âlîlerine i‘lâm [olundu]. Fî 7 Rebî‘ülâhir sene [1]154