Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 53 Hüküm no: 7 Orijinal metin no: [2b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Abdullah’ın köle olup olmadığının araştırılması Ma‘rûz; Erzurum ahâlîsinden mülâzım demekle şehîr Mehmed b. Eyüb tarafından vekîl-i sâbitü’l-vekâlesi Hüseyin Üsküdar’da meclis-i şer‘de ihzâr eylediği Ali b. Abdullah nâm şâbb-ı emred muvâcehesinde mezbûr Ali’yi müvekkilim mezbûr Mehmed Bayburdlu [ve] ismi ma‘lûm olmayan bir kimesneden Çerkesiyyü’l-asl olmak üzere semen-i ma‘lûma iştirâ edip mezbûr Ali müvekkilim mezbûrun abd-i memlüküdür deyü da‘vâ etdikde mezbûr Ali cevâbında Tebriz’de Deveci mahallesinden olup Acemiyyü’l-asl olduğunu iddi‘â etmekle mezbûr Ali vekîl-i merkūm ile huzûr-ı âlîlerinde mürâfa‘a olmaları içün Üsküdar çorbacısı kulları mübâşeretiyle irsâl olundu. Fî 11 Rebî‘ülâhir sene [1]154