Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 54 Hüküm no: 8 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un dövüldüğü yolundaki iddianın ispatlanamadığı Ma‘rûz; Malatya kasabasına tâbi‘ Ağvan karyesinde sâkine Hatice bt. Bektaş b. Abdullah nâm hatunun zevci tarafından vekîl-i sâbitü’l-vekâlesi olup Üsküdar’da misâfiren sâkin Ahmed nâm kimesne karye-i mezbûreden olup yine Üsküdar’da misâfiren sâkin hasm-ı diğer Ahmed b. Ömer’i meclis-i şer‘a ihzâr ve muvâcehesinde târih-i i‘lâmdan iki ay mukaddem karye-i mezbûrede zevcem müvekkileyi halası kızının menzilinde külünk ile bi-gayr-ı hakkın ağzına amden darb ve darbdan nâşi ağzının üst cânibinden iki ve alt cânibinden iki ön dişlerini çıkarmağla mûcibini bi’l-vekâle taleb ederim deyü ba‘de’d-da‘vâ ve’l-inkâr müdde‘î-i vekîl-i merkūm Ahmed müdde‘âsını isbâtdan izhâr-ı acz ile istihlâf etmeğin mezbûr diğer Ahmed’e vech-i şer‘î üzere yemîn verilip müdde‘î-i mezbûr bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 Rebî‘ülâhir sene [1]154