Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 54 Hüküm no: 9 Orijinal metin no: [2b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal çırağı Yanaki’nin ölümüne sebep olan Arap Bilal adlı çocuğun suçunu itiraf etmesine rağmen mahkeme tarafından delil talebinde bulunulduğu Ma‘rûz; Derûn-ı arzuhâlde mezkûrü’l-ism Üsküdar’da bakkāl hizmetkârı iken katîlen hâlik olan Yanaki nâm sagīrin verâseti vilâyet-i Rumeli’nde Ağrafe kazâsında Karabaş karyesinde sâkine anası Ağurka nâm Nasrâniye’ye ve li-ebeveyn karındaşı olup Silivri kasabasında sâkin Kosta nâm zimmîye münhasıra olduğu şer‘an tahakkukundan sonra mezbûrân Ağurka ve Kosta diyâr-ı âharda olmalarıyla umûrlarını rü’yete kıbel-i şer‘den vasî nasb ü ta‘yîn olunan sahib-i arzuhâl Esteryo zimmî meclis-i şer‘de hâlâ sagīr Arab Bilal nâm gulâmın müvellâsı Ahmed Ağa hazır olduğu hâlde târih-i i‘lâmdan on iki gün mukaddem Üsküdar’da Kassâm çeşmesi önünde tarîk-i âmda (...) gulâm-ı sagīr-i mezbûr Arab Bilal bıçak ile amden hâlik-i mezbûr Yanaki’nin sol omzu (...) darb ve cerh [ile] ve ol ânda müte’essiren hâlik olup hatta sagīr gulâm ber-vech-i muharrer (...) i‘tirâf etmekle mûcibini bi’l-vesâye taleb ederim deyü da‘vâ etdikde sagīr-i mezbûrun (...) câiz olmayıp ve müvellâsı inkâr etmekle müdde‘î-i mezbûr sagīr-i mezbûr hâlik-i mezbûru (...) ve te’sîren hâlikine beyyine taleb olundukda ikāmet-i beyyine içün istimhâl olunup mehl-i (...) imhâl ve müddet-i mehl tamamında isbâta kādir olmadığı mübâşiri Mustafa Çavuş (...) huzûr-ı âlîlerine i‘lâm olundu. Fî 13 Rebî‘ülâhir sene 1154