Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 56 Hüküm no: 12 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Miras taksimi için Kayseri’ye gidip gelecek olan Nazlı’ya mani olunmaması Ma‘rûz; Dâ‘î-i devletlerine hitâben sâdır olan fermân-ı âlîleri üzere derûn-ı arzuhâlde mezkûr husûsun hakīkati sahib-i arzuhâlin kebîre kızı Nazlı nâm Nasrâniye kadîmden Üsküdar’da Şeyh Selâmi Efendi mahallesinde sâkine olup Kayseriye’de Venk karyesinde olan mirasını ahz içün yine avdet etmek üzere gitmiş idi deyü müseccelü’l-esâmî on sekiz nefer meclis-i şer‘de ihbâr ve yine kadîmi sâkîne olduğu Şeyh Selâmi Efendi mahallesinde[ki] menziline gelip sâkine olup ol vechile mürûruna mümâna‘at olunmamak bâbında fermân-ı âlî ricâ eylediği bi’l-iltimâs huzûr-ı âlîlerine [i‘lâm] olundu. Fî 7 Rebî‘ülâhir sene [1]154