Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 56 Hüküm no: 13 Orijinal metin no: [3a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçılar kethudası Mustafa’yı tehdit eden Çalık Ali’nin cezalandırılması Ma‘rûz; Üsküdar’da Büyük iskelede Kayıkçılar Kethudâsı Mustafa, Üsküdar çorbacısı kulları mübâşeretiyle meclis-i şer‘a ihzâr ettirdiği iskele kayıkçılarından Çalık demekle ma‘rûf Ali muvâcehesinde İran elçisi nakli içün sâdır olan fermân-ı âlîye imtisâlen kayıkçılara tenbîh ve edâ-i hizmete şurû‘ esnâsında mezbûr Ali sen beni böyle hizmete ta‘yîn edersin deyü diyerek âlât-ı cârihadan (...) ile şutûm-ı galîza ile şetm ederek katl kasdıyla üzerime hücûm eylemişdir deyü ba‘de’d-da‘vâ ve’l-inkâr müdde‘î-i mezbûr müdde‘âsını udûlden Veli Dede b. Mustafa ve el-Hâc Mehmed b. Hüseyin nâm kimesneler şehâdetleriyle vech-i şer‘î üzere isbât etmeğin mûcebince mezbûr Ali taraf-ı âlîlerinden tedîb ve ta‘zîr içün i‘lâmıyla huzûr-ı âlîlerine irsâl olundu. Fî 17 Rebî‘ülâhir sene 1154