Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 65 Hüküm no: 33 Orijinal metin no: [6b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf Kethuda’nın mutasarrıfı olduğu susam yağhanesine eklediği binanın değerinin tespit olunduğu Ma‘rûz; Vârid olan fermân-ı âlîlerine imtisâlen sahib-i arzuhâl talebiyle taraf-ı şer‘den irsâl olunan Ahmed Efendi dâ‘îleri mi‘mâr ağa halîfesinden Hüseyin Halîfe ve Mehmed Halîfe ile arzuhâlde mezkûr Kuzguncuk karyesinde vâki‘ Yusuf Kethudâ ve hâssadan mütevellî temessükü ile bi’l-icâreteyn mutasarrıf olduğu şîruganhâneye sahib-i arzuhâl Pavlov zimmî icâre-i mu‘accelesine mahsûben i‘tirâfı ve takrîri üzere doksan iki bin yüz altmış akçe kıymetli ebniye eylediği ba‘de’l-keşf ve’l-misâha zâhir olmağın vâki‘ hâli mezbûr dâ‘îleri mahâllinde tahrîr, ba‘dehû ümenâ-i şer‘le gelip alâ-vukū‘ihî inhâ eylediği bi’l-iltimâs huzûr-ı âlîlerine i‘lâm olundu. Fî-gurreti Cemâziyelevvel sene 1154